الاجراءات كالتالى هى جزء من خطوات التوظيف واستقدام العمالة من مصر او من دول اخرى
وهى موضحة بالاسفل:
1- بتروح جامكا ومعاك الباسبور وتقولهم انك مسافر البحرين وحيحولوك على مستشفى من القائمة المفروض انهم يحولوك على احدى المستشفيات المذكورة عشوائيا و لكن يمكنك اذا قدرت تكلم الولد اللى فى جامكا انة يحولك على مستشفى قريبة من سكنك
2- بتروح المستشفى اللى تم تحويلك عليها وبتعمل تحليل بول ودم واشعة صدر ثم باطنة ورمد مع نفس الدكتور واخر كشفين روتينين ويعتير كشف منظرى عشان لو حد عندة تشوة او اعافة لكن الاشعة والتحاليل مهمين وتكلفتها على ما اعتقد 450 جنية مصرى
3- تاخد الشهادة انشاء اللة تانى يوم وتكون مكتوب لائق طبيا فيها وتبعت صورة منها هى والباسبور (بالسكانر) لصاحب العمل او الكفيل بالبحرين بالايميل ودة فى حالة انك مش جى عن طريق شركة توظيف سواء بالبحرين او مصر وبالتالى هو حبيعتلك فى خلال اسبوع مثلا التأشيرة او فيزا العمل عالايميل وتطبعها وتحطها مع الباسبور وخللى نسخنين منها معاك
4- تحجز معاد طيارتك وتسافر انشاء اللة بالسلامة بس لازم تعمل تصريح عمل عشان ضابط الجوازات المصرى مش حيسفرك غير بالتصريح دة وبيبقى حوالى 150 جنية عن السنة وما تدفعش اكتر من سنة ولو اشتغلت برة مصر 10 سنين لما ترجع ابقى حاسبهم عن ال 9 سنين دول انشاء اللة وبتاخدة التصريح تانى يوم انشاء اللة
5- اكيد الناس اللى مذكور فى باسبورها مؤجل وليس معفى من الجيش اكيد وشىء بديهى بتاخد اذن السفر وناس اسمة بالضبط بيكون اية عشان ضابط الجوازات المصرى
6- توصل مطار البحرين انشاء اللة وتدخل من بوابة ال LMRA او هيئة تنظيم سوق العمل بالبحرين عشان فى خدمة جديدة واحسن من قبل كدة ولسة معمولة عشان يصوروك وياخدوا بصماتك وكمان يختملك بالباسبور بالاقامة المصرح ليك بيها وبكدة مش محتاج تروح LMRA زى زمان وما بياخدش دقيقتين الموضوع فى المطار وتانى يوم انشاء اللة تطلب عالنت انك تطلع CPR وما تستناش معاد الكشف الطبى اللى حيتكتب فى الورقة اللى حيدوها ليك فى المطار لآن ال CPR ملوش دعوة بالكشف الطبى ومعادة ودة اسهل من بتاع مصر
ملحوظة- حاول يكون معاك دايما صور بخلفية بيضاء زى بتاعة الباسبور وحتحتاجها فى البحرين سواء فى رخصة او كشف طبى
سفر , البحرين , المنامه , تحليل طبي, فحص طبي , جامكا , القصر العينى , سفريات , توظيف , مكتب , المستشفى